સ્કંદ પુરાણ · અધ્યાય 7.88

॥ ઈશ્વર ઉવાચ ॥ ॥
તતો ગચ્છેન્મહાદેવિ નીલરુદ્રં દ્વિતીયકમ્॥
ભૂતેશાદુત્તરે ભાગે ધનુષાં ષોડશે સ્થિતમ્

મહાલિંગં મહાદેવિ ગણગંધર્વપૂજિતમ્॥
સંસ્નાપ્ય તં વિધાનેન ઈશમંત્રેણ પૂજયેત્

કુમુદોત્પલસંભારૈઃ સમ્યક્સંભાવિતાત્મવાન્ ॥
કૃત્વા પ્રદક્ષિણાં તસ્ય નમસ્કારેણ પૂજયેત્

એવં કૃત્વા નરો દેવિ રાજસૂયફલં લભેત્ ॥
વૃષસ્તત્રૈવ દાતવ્યઃ સમ્યગ્યાત્રાફલેપ્સુભિઃ

નીલાંજનનિભો દૈત્યો નિહતશ્ચાંતકઃ પુરા ॥
તસ્ય રોદયિતા સ્ત્રીણાં નીલરુદ્રસ્તતઃ સ્મૃતઃ

તસ્ય સંક્ષેપતઃ પ્રોક્તં માહાત્મ્યં પાપનાશનમ્ ॥
સમ્યક્છ્રદ્ધાન્વિતૈઃ પ્રાપ્યં શ્રાવ્યં તદ્દર્શનોત્સુકૈઃ

ઇતિશ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્ય એકાદશરુદ્રમાહાત્મ્યે નીલ રુદ્રમાહાત્મ્યવર્ણનંનામાષ્ટાશીતિતમોઽધ્યાયઃ