Skanda Purana · Chapter 7.73

// īśvara uvāca // //
tato gacchenmahādevi kumāreśvaramuttamam //
liṃgaṃ mahāprabhāvaṃ hi mahāpātakanāśanam

dhanuṣāṃ triṃśatā devi varuṇānnaiṛte sthitam //
gaurītapovanāddevi dakṣiṇa sthānasaṃsthitam

ṣaṇmukhena mahādevi tatra kṛtvā mahattapaḥ //
pratiṣṭhitaṃ mahāliṃgaṃ kumāreśastato'bhavat

yastaṃ pūjayate bhaktyā māsamekaṃ nirantaram //
ṣaṇmāsasyārcanenaiva yatpuṇyamupajāyate

tatpuṇyaṃ sakalaṃ tasya kumāreśārcanātsakṛt //
labhate divasaikena vidhinā yadi pūjayet

kāmaṃ krodhaṃ tathā lobhaṃ rāgaṃ tyaktvā tu matsaram //
brahmacārī yatirbhūtvā sakṛdapyenamarcayet

evaṃ saṃpūjite devi samyagyātrā phalaṃ labhet

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye kumāreśvaramāhātmyavarṇanaṃ nāma trisaptatitamo'dhyāyaḥ