સ્કંદ પુરાણ · અધ્યાય 7.73

॥ ઈશ્વર ઉવાચ ॥ ॥
તતો ગચ્છેન્મહાદેવિ કુમારેશ્વરમુત્તમમ્ ॥
લિંગં મહાપ્રભાવં હિ મહાપાતકનાશનમ્

ધનુષાં ત્રિંશતા દેવિ વરુણાન્નૈઋતે સ્થિતમ્ ॥
ગૌરીતપોવનાદ્દેવિ દક્ષિણ સ્થાનસંસ્થિતમ્

ષણ્મુખેન મહાદેવિ તત્ર કૃત્વા મહત્તપઃ ॥
પ્રતિષ્ઠિતં મહાલિંગં કુમારેશસ્તતોઽભવત્

યસ્તં પૂજયતે ભક્ત્યા માસમેકં નિરન્તરમ્ ॥
ષણ્માસસ્યાર્ચનેનૈવ યત્પુણ્યમુપજાયતે

તત્પુણ્યં સકલં તસ્ય કુમારેશાર્ચનાત્સકૃત્ ॥
લભતે દિવસૈકેન વિધિના યદિ પૂજયેત્

કામં ક્રોધં તથા લોભં રાગં ત્યક્ત્વા તુ મત્સરમ્ ॥
બ્રહ્મચારી યતિર્ભૂત્વા સકૃદપ્યેનમર્ચયેત્

એવં સંપૂજિતે દેવિ સમ્યગ્યાત્રા ફલં લભેત્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખંડે પ્રથમે પ્રભાસક્ષેત્રમાહાત્મ્યે કુમારેશ્વરમાહાત્મ્યવર્ણનં નામ ત્રિસપ્તતિતમોઽધ્યાયઃ