Scripture Library
Skanda Purana · Chapter 7.67
7.67.1
// īśvara uvāca // //
tato gachenmahāliṃgaṃ kāmeśvaramiti śrutam //
kāmenārādhitaṃ pūrvaṃ daityasūdanapaścime
7.67.2
dhanuṣāṃ saptake tatra sthitaṃ devi mahāprabham //
nirdagdhastu yadā kāma stṛtīyenāgninā mama
7.67.3
tadā varṣasahasraṃ tu samārādhya maheśvaram //
prapede kāmanāsargaṃ yatrānaṃgaḥ purā kila
7.67.4
tena kāmeśvaraṃnāma khyātaṃ liṃgaṃ dharātale //
sarvapāpaharaṃ devi sarvakāmaphalapradam
7.67.5
trayodaśyāṃ vidhānena śuklāyāṃ māsi mādhave //
saṃpūjya taṃ vidhānena sa strīṇāṃ kāmavadbhavet
7.67.67
iti śrīskāṃde mahāpurāṇa ekāśītisāhasyā saṃhitāyāṃ saptame prabhāsakhaṇḍe prathame prabhāsakṣetramāhātmye kāmeśvaramāhātmyavarṇanaṃ nāma saptaṣaṣṭitamo'dhyāyaḥ
Original text: skandapurāṇam · Sanskrit Wikisource contributors · Sanskrit Wikisource · CC BY-SA 4.0