Skanda Purana · Chapter 7.66

// // īśvara uvāca // //
tato gacchenmahāliṃgamarghyeśvaramiti śrutam //
uttare tu viśālākṣyā nātidūre vyavasthitam

liṃgaṃ mahāprabhāvaṃ hi suragandharvapūjitam //
yadā devī samāyātā vaḍavānaladhāriṇī

prabhāsakṣetramāsādya dṛṣṭvā tatra mahodadhim //
arghyaṃ dattavatī tatra vidhinā tanmahodadheḥ

pratiṣṭhāpya mahalliṃgaṃ saṃpūjya vidhinā tataḥ //
praviveśātha deveśi snānārthaṃ ca mahodadhau

yasmādarghyaṃ purā dattvā paścādīśaḥ pratiṣṭhitaḥ //
tenārghyeśeti vikhyātaṃ liṃgaṃ pāpapraṇāśanam

paṃcāmṛtena saṃsnāpya vidhinā yastamarcayet //
saptajanmāni deveśi sa vidyāmadhigacchati //
samyakchāstrapravaktā ca sarvasaṃdehavittamaḥ

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye'rghyeśvaramāhātmyavarṇanaṃnāma ṣaṭṣaṣṭitamo'dhyāyaḥ