Scripture Library
Skanda Purana · Chapter 7.65
7.65.1
// īśvara uvāca // //
tato gacchenmahādevi liṃgaṃ vai vāḍaveśvaram //
lakṣmīśāduttare bhāge viśālākṣyāśca dakṣiṇe
7.65.2
sthitaṃ mahāprabhāvaṃ hi vāḍavena pratiṣṭhitam//
kṛtasmaro yadā dagdhaḥ parvato vāḍavāgninā
7.65.3
samīkṛtyākhilaṃ sthānaṃ tena liṃgaṃ pratiṣṭhitam //
pūjayettaṃ vidhānena daśa saṃsnāpya śaṃkaram
7.65.4
dadhi dadyācca vai tatra brāhmaṇe vedapārage/
so'gnilokamavāpnoti samyagyātrāphalaṃ labhet
7.65.65
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye vāḍaveśvaramāhātmyavarṇanaṃnāma pañcaṣaṣṭitamo'dhyāyaḥ
Original text: skandapurāṇam · Sanskrit Wikisource contributors · Sanskrit Wikisource · CC BY-SA 4.0