સ્કંદ પુરાણ · અધ્યાય 7.66

॥ ॥ ઈશ્વર ઉવાચ ॥ ॥
તતો ગચ્છેન્મહાલિંગમર્ઘ્યેશ્વરમિતિ શ્રુતમ્ ॥
ઉત્તરે તુ વિશાલાક્ષ્યા નાતિદૂરે વ્યવસ્થિતમ્

લિંગં મહાપ્રભાવં હિ સુરગન્ધર્વપૂજિતમ્ ॥
યદા દેવી સમાયાતા વડવાનલધારિણી

પ્રભાસક્ષેત્રમાસાદ્ય દૃષ્ટ્વા તત્ર મહોદધિમ્ ॥
અર્ઘ્યં દત્તવતી તત્ર વિધિના તન્મહોદધેઃ

પ્રતિષ્ઠાપ્ય મહલ્લિંગં સંપૂજ્ય વિધિના તતઃ ॥
પ્રવિવેશાથ દેવેશિ સ્નાનાર્થં ચ મહોદધૌ

યસ્માદર્ઘ્યં પુરા દત્ત્વા પશ્ચાદીશઃ પ્રતિષ્ઠિતઃ ॥
તેનાર્ઘ્યેશેતિ વિખ્યાતં લિંગં પાપપ્રણાશનમ્

પંચામૃતેન સંસ્નાપ્ય વિધિના યસ્તમર્ચયેત્ ॥
સપ્તજન્માનિ દેવેશિ સ વિદ્યામધિગચ્છતિ ॥
સમ્યક્છાસ્ત્રપ્રવક્તા ચ સર્વસંદેહવિત્તમઃ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યેઽર્ઘ્યેશ્વરમાહાત્મ્યવર્ણનંનામ ષટ્ષષ્ટિતમોઽધ્યાયઃ