Skanda Purana · Verses 7.62-2

// īśvara uvāca // //
tato gacchenmahādevi tṛtīyāṃ catvarapriyām //
lalitāpūrvadigbhāge daśadhanvaṃtare sthitām

kṣetradūtīṃ mahāraudrīṃ rudraśaktiṃ mahāprabhām //
kṣetrarakṣāvidhau tatra mayā muktāṃ tu madhyataḥ

koṭibhūtasamāyuktā mahākāyā mahāprabhā //
jīrṇe gṛhe tathodyāne prāsādāṭṭālake pathi

catvareṣu ca sarveṣu kṣetra madhyasthitā satī //
rātrau paryaṭate devī bhūtānāṃ koṭibhirvṛtā

mahānavamyāṃ yastatra nārī vātha naropi vā //
nānāpūjopacāraiśca pūjayedvidhivacchubhām

tasya tuṣṭā'khilānkāmānsādevī saṃpradāsyati //
daṃpatyorbhojanaṃ tatra deyaṃ yātrāphalepsubhiḥ

iti saṃkṣepataḥ proktaṃ māhā tmyaṃ pāpanāśanam //
kṣetradūtyāstṛtīyāyāḥ śrutamaiśvaryakārakam

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye catvarādevīmāhātmyavarṇanaṃnāma dviṣaṣṭitamo'dhyāyaḥ