સ્કંદ પુરાણ · શ્લોક 7.62-2

॥ ઈશ્વર ઉવાચ ॥ ॥
તતો ગચ્છેન્મહાદેવિ તૃતીયાં ચત્વરપ્રિયામ્ ॥
લલિતાપૂર્વદિગ્ભાગે દશધન્વંતરે સ્થિતામ્

ક્ષેત્રદૂતીં મહારૌદ્રીં રુદ્રશક્તિં મહાપ્રભામ્ ॥
ક્ષેત્રરક્ષાવિધૌ તત્ર મયા મુક્તાં તુ મધ્યતઃ

કોટિભૂતસમાયુક્તા મહાકાયા મહાપ્રભા ॥
જીર્ણે ગૃહે તથોદ્યાને પ્રાસાદાટ્ટાલકે પથિ

ચત્વરેષુ ચ સર્વેષુ ક્ષેત્ર મધ્યસ્થિતા સતી ॥
રાત્રૌ પર્યટતે દેવી ભૂતાનાં કોટિભિર્વૃતા

મહાનવમ્યાં યસ્તત્ર નારી વાથ નરોપિ વા ॥
નાનાપૂજોપચારૈશ્ચ પૂજયેદ્વિધિવચ્છુભામ્

તસ્ય તુષ્ટાઽખિલાન્કામાન્સાદેવી સંપ્રદાસ્યતિ ॥
દંપત્યોર્ભોજનં તત્ર દેયં યાત્રાફલેપ્સુભિઃ

ઇતિ સંક્ષેપતઃ પ્રોક્તં માહા ત્મ્યં પાપનાશનમ્ ॥
ક્ષેત્રદૂત્યાસ્તૃતીયાયાઃ શ્રુતમૈશ્વર્યકારકમ્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે ચત્વરાદેવીમાહાત્મ્યવર્ણનંનામ દ્વિષષ્ટિતમોઽધ્યાયઃ