Skanda Purana · Verses 7.53-2

// īśvara uvāca // //
tato gacchenmahādevi kapileśvaramuttamam//
tasyaiva pūrvadigbhāge nātidūre vyava sthitam

liṃgaṃ mahāprabhāvaṃ tu darśanātpāpanāśanam //
kapilonāma rājarṣiryatra taptvā mahātapaḥ

saṃprāptaḥ paramāṃ siddhiṃ pratiṣṭhāpya maheśvaram //
devasāṃnidhyamīśānaṃ tasmim̐lliṃge sadā hariḥ

śuklapakṣe caturdaśyāṃ sarvalokahitārthataḥ //
saptakṛtvo mahādevaṃ someśaṃ kapileśvaram//
yaḥ paśyetprayato bhūtvā sa godānaphalaṃ labhet

tiladhenuṃ ca yo dadyāttasmiṃstīrthe samāhitaḥ //
tilasaṃkhyāyugānyeva sa svarge vasati priye

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye kapileśvaramāhātmyavarṇanaṃ nāma tripañcāśo'dhyāyaḥ