સ્કંદ પુરાણ · શ્લોક 7.53-2

॥ ઈશ્વર ઉવાચ ॥ ॥
તતો ગચ્છેન્મહાદેવિ કપિલેશ્વરમુત્તમમ્॥
તસ્યૈવ પૂર્વદિગ્ભાગે નાતિદૂરે વ્યવ સ્થિતમ્

લિંગં મહાપ્રભાવં તુ દર્શનાત્પાપનાશનમ્ ॥
કપિલોનામ રાજર્ષિર્યત્ર તપ્ત્વા મહાતપઃ

સંપ્રાપ્તઃ પરમાં સિદ્ધિં પ્રતિષ્ઠાપ્ય મહેશ્વરમ્ ॥
દેવસાંનિધ્યમીશાનં તસ્મિઁલ્લિંગે સદા હરિઃ

શુક્લપક્ષે ચતુર્દશ્યાં સર્વલોકહિતાર્થતઃ ॥
સપ્તકૃત્વો મહાદેવં સોમેશં કપિલેશ્વરમ્॥
યઃ પશ્યેત્પ્રયતો ભૂત્વા સ ગોદાનફલં લભેત્

તિલધેનું ચ યો દદ્યાત્તસ્મિંસ્તીર્થે સમાહિતઃ ॥
તિલસંખ્યાયુગાન્યેવ સ સ્વર્ગે વસતિ પ્રિયે

ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે કપિલેશ્વરમાહાત્મ્યવર્ણનં નામ ત્રિપઞ્ચાશોઽધ્યાયઃ