Scripture Library
Skanda Purana · Chapter 7.250
7.250.1
// īśvara uvāca // //
tato gacchenmahādevi liṃgaṃ trailokyaviśrutam //
gaṃgeśvareti vikhyātaṃ saṃgameśvarapaścime
7.250.2
yadā gaṃgā samāhūtā viṣṇunā prabhaviṣṇunā //
antakāle'bhiṣekārthaṃ svakāyasya varānane
7.250.3
tato dṛṣṭvā tu tatkṣetraṃ puṇyaṃ hyṛṣiniṣevitam //
sarvatra vyāpitaṃ liṃgairāśramaiśca tapasvinām
7.250.4
tato gaṃgāsaricchreṣṭhā pūrvasāgaragāminī //
sthāpayāmāsa talliṃgaṃ śivabhaktiparāyaṇā
7.250.5
taṃ dṛṣṭvā tu varārohe gaṃgāsnānaphalaṃ labhet //
aśvamedhasahasrasya phalaṃ prāpnoti mānavaḥ
7.250.250
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye gaṃgeśvaramāhātmyavarṇanaṃnāma pañcāśaduttaradviśatatamo'dhyāyaḥ
Original text: skandapurāṇam · Sanskrit Wikisource contributors · Sanskrit Wikisource · CC BY-SA 4.0