સ્કંદ પુરાણ · અધ્યાય 7.250

॥ ઈશ્વર ઉવાચ ॥ ॥
તતો ગચ્છેન્મહાદેવિ લિંગં ત્રૈલોક્યવિશ્રુતમ્ ॥
ગંગેશ્વરેતિ વિખ્યાતં સંગમેશ્વરપશ્ચિમે

યદા ગંગા સમાહૂતા વિષ્ણુના પ્રભવિષ્ણુના ॥
અન્તકાલેઽભિષેકાર્થં સ્વકાયસ્ય વરાનને

તતો દૃષ્ટ્વા તુ તત્ક્ષેત્રં પુણ્યં હ્યૃષિનિષેવિતમ્ ॥
સર્વત્ર વ્યાપિતં લિંગૈરાશ્રમૈશ્ચ તપસ્વિનામ્

તતો ગંગાસરિચ્છ્રેષ્ઠા પૂર્વસાગરગામિની ॥
સ્થાપયામાસ તલ્લિંગં શિવભક્તિપરાયણા

તં દૃષ્ટ્વા તુ વરારોહે ગંગાસ્નાનફલં લભેત્ ॥
અશ્વમેધસહસ્રસ્ય ફલં પ્રાપ્નોતિ માનવઃ

ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે ગંગેશ્વરમાહાત્મ્યવર્ણનંનામ પઞ્ચાશદુત્તરદ્વિશતતમોઽધ્યાયઃ