Skanda Purana · Chapter 7.249

// īśvara uvāca // //
tato gacchenmahādevi devaṃ vai saṃgameśvaram //
golakṣamiti vikhyātaṃ sarvapātakanāśanam / १ //
tasyaiva paścime bhāge sarvakāmaphalapradam //
ṛṣiruddālakonāma purā hyāsīnmahātapāḥ

sa purā saṃgamaṃ prāpya sarvapāpapraṇāśanam //
sarasvatyāśca piṃgāyāstapastepe sureśvari

tatastapasyatastasya tapo raudraṃ mahātmanaḥ //
purato hyutthitaṃ liṃgaṃ bhaktyā yuktasya sundari

etasminneva kāle tu vāguvācāśarīriṇī //
uddālaka mahābāho śṛṇuṣvaitadvaco mama

adyaprabhṛti vāso'tra mama nityaṃ bhaviṣyati //
yasmādatra samutpannaṃ saṃgame liṃgamuttamam //
saṃgameśvaramityeva nāma cāsya bhavi ṣyati

yetra snānaṃ narāḥ kṛtvā saṃgame lokaviśrute //
saṃgameśvaramīkṣante te yāṃti paramāṃ gatim

// īśvara uvāca // //
tatastaṃ pūjayāmāsa divārātramataṃdritaḥ //
tato dehāvasāne'sau gato yatra maheśvaraḥ

iti śrīskāṃde mahāpurāṇa ekāśītisāhasryāṃ saṃhitāyāṃ saptame ,prabhāsakhaṇḍe prathame prabhāsakṣetramāhātmye saṃgameśvaramāhātmyavarṇanaṃnāmaikonapañcāśaduttaradviśatatamo'dhyāyaḥ