સ્કંદ પુરાણ · અધ્યાય 7.249

॥ ઈશ્વર ઉવાચ ॥ ॥
તતો ગચ્છેન્મહાદેવિ દેવં વૈ સંગમેશ્વરમ્ ॥
ગોલક્ષમિતિ વિખ્યાતં સર્વપાતકનાશનમ્ । ૧ ॥
તસ્યૈવ પશ્ચિમે ભાગે સર્વકામફલપ્રદમ્ ॥
ઋષિરુદ્દાલકોનામ પુરા હ્યાસીન્મહાતપાઃ

સ પુરા સંગમં પ્રાપ્ય સર્વપાપપ્રણાશનમ્ ॥
સરસ્વત્યાશ્ચ પિંગાયાસ્તપસ્તેપે સુરેશ્વરિ

તતસ્તપસ્યતસ્તસ્ય તપો રૌદ્રં મહાત્મનઃ ॥
પુરતો હ્યુત્થિતં લિંગં ભક્ત્યા યુક્તસ્ય સુન્દરિ

એતસ્મિન્નેવ કાલે તુ વાગુવાચાશરીરિણી ॥
ઉદ્દાલક મહાબાહો શૃણુષ્વૈતદ્વચો મમ

અદ્યપ્રભૃતિ વાસોઽત્ર મમ નિત્યં ભવિષ્યતિ ॥
યસ્માદત્ર સમુત્પન્નં સંગમે લિંગમુત્તમમ્ ॥
સંગમેશ્વરમિત્યેવ નામ ચાસ્ય ભવિ ષ્યતિ

યેત્ર સ્નાનં નરાઃ કૃત્વા સંગમે લોકવિશ્રુતે ॥
સંગમેશ્વરમીક્ષન્તે તે યાંતિ પરમાં ગતિમ્

॥ ઈશ્વર ઉવાચ ॥ ॥
તતસ્તં પૂજયામાસ દિવારાત્રમતંદ્રિતઃ ॥
તતો દેહાવસાનેઽસૌ ગતો યત્ર મહેશ્વરઃ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે ,પ્રભાસખણ્ડે પ્રથમે પ્રભાસક્ષેત્રમાહાત્મ્યે સંગમેશ્વરમાહાત્મ્યવર્ણનંનામૈકોનપઞ્ચાશદુત્તરદ્વિશતતમોઽધ્યાયઃ