Skanda Purana · Chapter 7.241

// īśvara uvāca // //
tatraiva saṃsthitaṃ paśyedbalabhadrakalevaram //
śeṣarūpeṇa yatrāsau prātyajatsvakalevaram

gatastraisaṃgame tīrthe tatra pātālavartmanā //
asminmitravane devi gavyūtidvayavistṛte

kalevaraṃ sthitaṃ devi liṃgākāraṃ mahāprabham //
revatyā sahitaṃ tatra śeṣanāmeti viśrutam

yatra siddhaḥ purā devi jarānāmā tu kaulikaḥ //
viṣṇuhaṃtā bhallatīrthe so'sminsthāne layaṃ gataḥ

tatprabhṛtyeva sakale śeṣa ityabhiviśrutaḥ //
caitre śuklatrayodaśyāṃ yastaṃ pūjayate naraḥ //
sa putrapautrapaśumānvarṣaṃ kṣemeṇa gacchati

masūrikādirogebhyaḥ śiśūnāṃ na bhayaṃ bhavet //
visphoṭakādirogebhyo na bhayaṃ jāyate kvacit

asminkṣetre mahāsiddhe siddhayajñastu yaḥ smṛtaḥ //
varṇānāṃ sāṃtarālānāṃ sarveṣāṃ cātivallabhaḥ

paśupuṣpopahāraiśca balidānaiḥ pṛthagvidhaiḥ //
saṃtuṣṭiṃ śīghramāyāti śeṣo'śeṣāghanāśanaḥ //

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye śeṣamāhātmyavarṇanaṃnāmaikacatvāriṃśa duttaradviśatatamo'dhyāyaḥ