સ્કંદ પુરાણ · અધ્યાય 7.241

॥ ઈશ્વર ઉવાચ ॥ ॥
તત્રૈવ સંસ્થિતં પશ્યેદ્બલભદ્રકલેવરમ્ ॥
શેષરૂપેણ યત્રાસૌ પ્રાત્યજત્સ્વકલેવરમ્

ગતસ્ત્રૈસંગમે તીર્થે તત્ર પાતાલવર્ત્મના ॥
અસ્મિન્મિત્રવને દેવિ ગવ્યૂતિદ્વયવિસ્તૃતે

કલેવરં સ્થિતં દેવિ લિંગાકારં મહાપ્રભમ્ ॥
રેવત્યા સહિતં તત્ર શેષનામેતિ વિશ્રુતમ્

યત્ર સિદ્ધઃ પુરા દેવિ જરાનામા તુ કૌલિકઃ ॥
વિષ્ણુહંતા ભલ્લતીર્થે સોઽસ્મિન્સ્થાને લયં ગતઃ

તત્પ્રભૃત્યેવ સકલે શેષ ઇત્યભિવિશ્રુતઃ ॥
ચૈત્રે શુક્લત્રયોદશ્યાં યસ્તં પૂજયતે નરઃ ॥
સ પુત્રપૌત્રપશુમાન્વર્ષં ક્ષેમેણ ગચ્છતિ

મસૂરિકાદિરોગેભ્યઃ શિશૂનાં ન ભયં ભવેત્ ॥
વિસ્ફોટકાદિરોગેભ્યો ન ભયં જાયતે ક્વચિત્

અસ્મિન્ક્ષેત્રે મહાસિદ્ધે સિદ્ધયજ્ઞસ્તુ યઃ સ્મૃતઃ ॥
વર્ણાનાં સાંતરાલાનાં સર્વેષાં ચાતિવલ્લભઃ

પશુપુષ્પોપહારૈશ્ચ બલિદાનૈઃ પૃથગ્વિધૈઃ ॥
સંતુષ્ટિં શીઘ્રમાયાતિ શેષોઽશેષાઘનાશનઃ ॥

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે શેષમાહાત્મ્યવર્ણનંનામૈકચત્વારિંશ દુત્તરદ્વિશતતમોઽધ્યાયઃ