Skanda Purana · Chapter 7.185

// īśvara uvāca // //
tato gacchenmahādevi devamātaramavyayām //
maṃkīśānnairṛte bhāge gaurīrūpasamāśritām//
devamātā sarasvatyā nāma lokeṣu gīyate

pādukāsanasaṃsthā ca tatra devī sarasvatī //
gaurīrūpeṇa sā tatra vaḍavāśritavigrahā

mātṛvadrakṣitā devā vaḍavānalabhītitaḥ //
devamāteti loke'smiṃ stataḥ sā vibudhaiḥ kṛtā

māghe māse tṛtīyāyāṃ yastāmarcayate naraḥ //
nārī vā saṃyatā sādhvī sarvānkāmānavāpnuyāt

daṃpatī bhoja yedyastu pāyasaiḥ śarkarādibhiḥ //
gaurīsahasrabhojyasya dattasya phalamāpnuyāt

suvarṇapādukā deyā tatra viprāya śīline

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye devamātṛgaurīmāhātmyavarṇanaṃnāma paṃcā śītyuttaraśatatamo'dhyāyaḥ