Skanda Purana · Chapter 7.184

// īśvara uvāca // //
tato gacchenmahādevi maṃkīśvaramanuttamam //
trisaṃgamasamīpasthaṃ sarvapātakanāśanam

maṃkīnāma ṛṣiḥ pūrvamāsītsa tapatāṃ varaḥ //
sa ca jñātvā mahākṣetraṃ prabhāsaṃ śaṃkarapriyam

atapadvai tapo ghoraṃ kandamūlaphalāśanaḥ //
varṣāṇāmayutaṃ sāgraṃ pratiṣṭhāpya maheśvaram

tatastuṣṭo mahādevo dadau prīto varaṃ tadā //
sa vavre yadi tuṣṭo'si asminsthāne sthito bhava

mannāmāṃkitaliṃgastu vasa kalpāyutāyutam //
evamastvityathetyuktvā tatraivāntaradhīyata

tadāprabhṛti talliṃgaṃ maṃkīśvaramiti śrutam//
māghe māse trayodaśyāṃ caturdaśyāmathāpi vā

pūjyāḥ paṃcopacāreṇa prāpnuyādīpsitaṃ phalam //
godānaṃ tatra vai deyaṃ samyagyātrāphalepsubhiḥ

iti śrīskānde mahāpurāṇa ekāśītisāhasryāṃ sahitāyāṃ saptame prabhāsakhaṇḍe prathame prabhāsakṣetramāhātmye maṃkīśvaramāhātmyavarṇanaṃnāma caturaśītyuttaraśatatamo'dhyāyaḥ