Skanda Purana · Chapter 7.158

// īśvara uvāca // //
tato gacchenmahādevi anaṃgeśvaramuttamam //
ratneśvarādagrataḥsthaṃ dhanuṣāntaramāsthitam

sthāpitaṃ kāmadevena talliṃgaṃ viṣṇusūnunā //
jñātvā tadvaiṣṇavaṃ sthānaṃ kalau pātakanāśanam

taṃ dṛṣṭvā pūjayitvā tu kāmadevasamo bhavet //
svargavidyādharīṇāṃ ca jāyate cittamohakaḥ

tasyānvaye'pi na bhavetkurūpo durbhago'pi vā

tatrānaṃgatrayodaśyāṃ vratena varavarṇini //
viśeṣārādhanaṃ tatra janmasāphalyakāraṇam

śayyādānaṃ tu dātavyaṃ tatra viprāya śīline //
viśeṣādviṣṇubhaktāya samyagyātrāphalaṃ labhet

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsa khaṃḍe prathame prabhāsakṣetramāhātmye ratneśvaramāhātmye'naṃgeśvaramāhātmyavarṇanaṃnāmāṣṭapaṃcāśaduttaraśatatamo'dhyāyaḥ