Skanda Purana · Chapter 7.157

// īśvara uvāca // //
tato gacchenmahādevi satyabhāmeśvaraṃ śubham //
ratneśvarāddakṣiṇe tu dhanuṣāṃtaramāsthitam

sarvapāpapraśamanaṃ sthāpitaṃ satyabhāmayā //
kṛṣṇasya kāntayā devi rūpaudāryasametayā

snātvā tadvaiṣṇavaṃ sthānaṃ nṛṇāṃ pātakanāśanam

māghe māsi tṛtīyāyāṃ nārī vā puruṣo'pi vā //
yastaṃ pūjayate bhaktyā sa muktaḥ pātakairbhavet

daurbhāgyaduḥkhaśokebhyastathā vighnaiśca duḥkhitaḥ //
mucyate nātra saṃdehaḥ satyabhāmānvito bhavet

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye satyabhāmeśvaramāhātmyavarṇanaṃnāma saptapañcāśaduttaraśatatamo'dhyāyaḥ