સ્કંદ પુરાણ · અધ્યાય 7.158

॥ ઈશ્વર ઉવાચ ॥ ॥
તતો ગચ્છેન્મહાદેવિ અનંગેશ્વરમુત્તમમ્ ॥
રત્નેશ્વરાદગ્રતઃસ્થં ધનુષાન્તરમાસ્થિતમ્

સ્થાપિતં કામદેવેન તલ્લિંગં વિષ્ણુસૂનુના ॥
જ્ઞાત્વા તદ્વૈષ્ણવં સ્થાનં કલૌ પાતકનાશનમ્

તં દૃષ્ટ્વા પૂજયિત્વા તુ કામદેવસમો ભવેત્ ॥
સ્વર્ગવિદ્યાધરીણાં ચ જાયતે ચિત્તમોહકઃ

તસ્યાન્વયેઽપિ ન ભવેત્કુરૂપો દુર્ભગોઽપિ વા

તત્રાનંગત્રયોદશ્યાં વ્રતેન વરવર્ણિનિ ॥
વિશેષારાધનં તત્ર જન્મસાફલ્યકારણમ્

શય્યાદાનં તુ દાતવ્યં તત્ર વિપ્રાય શીલિને ॥
વિશેષાદ્વિષ્ણુભક્તાય સમ્યગ્યાત્રાફલં લભેત્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસ ખંડે પ્રથમે પ્રભાસક્ષેત્રમાહાત્મ્યે રત્નેશ્વરમાહાત્મ્યેઽનંગેશ્વરમાહાત્મ્યવર્ણનંનામાષ્ટપંચાશદુત્તરશતતમોઽધ્યાયઃ