Scripture Library
Skanda Purana · Chapter 7.156
7.156.1
// īśvara uvāca // //
tato gacchenmahādevi vainateyapratiṣṭhitam //
ratneśvarāduttarato dhanuṣāṃ tritaye sthitam
7.156.2
vainateyaśca deveśi jñātvā kṣetraṃ tu vaiṣṇavam //
liṃgaṃ pratiṣṭhayāmāsa sarvapāpapraṇāśanam
7.156.3
yastaṃ pūjayate bhaktyā paṃcamyāṃ tu vidhānataḥ //
na viṣaṃ kramate tasya sapta janmāni sarpajam
7.156.4
paṃcāmṛtena saṃsnāpya pūjayitvā vidhānataḥ //
prāpnuyātsakalaṃ puṇyaṃ modate divi devavat
7.156.156
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye ratneśvaramāhātmye garuḍeśvaramāhātmyavarṇanaṃnāma ṣaṭpaṃcāśaduttaraśatatamo'dhyāyaḥ
Original text: skandapurāṇam · Sanskrit Wikisource contributors · Sanskrit Wikisource · CC BY-SA 4.0