સ્કંદ પુરાણ · અધ્યાય 7.157

॥ ઈશ્વર ઉવાચ ॥ ॥
તતો ગચ્છેન્મહાદેવિ સત્યભામેશ્વરં શુભમ્ ॥
રત્નેશ્વરાદ્દક્ષિણે તુ ધનુષાંતરમાસ્થિતમ્

સર્વપાપપ્રશમનં સ્થાપિતં સત્યભામયા ॥
કૃષ્ણસ્ય કાન્તયા દેવિ રૂપૌદાર્યસમેતયા

સ્નાત્વા તદ્વૈષ્ણવં સ્થાનં નૃણાં પાતકનાશનમ્

માઘે માસિ તૃતીયાયાં નારી વા પુરુષોઽપિ વા ॥
યસ્તં પૂજયતે ભક્ત્યા સ મુક્તઃ પાતકૈર્ભવેત્

દૌર્ભાગ્યદુઃખશોકેભ્યસ્તથા વિઘ્નૈશ્ચ દુઃખિતઃ ॥
મુચ્યતે નાત્ર સંદેહઃ સત્યભામાન્વિતો ભવેત્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે સત્યભામેશ્વરમાહાત્મ્યવર્ણનંનામ સપ્તપઞ્ચાશદુત્તરશતતમોઽધ્યાયઃ