સ્કંદ પુરાણ · અધ્યાય 7.156

॥ ઈશ્વર ઉવાચ ॥ ॥
તતો ગચ્છેન્મહાદેવિ વૈનતેયપ્રતિષ્ઠિતમ્ ॥
રત્નેશ્વરાદુત્તરતો ધનુષાં ત્રિતયે સ્થિતમ્

વૈનતેયશ્ચ દેવેશિ જ્ઞાત્વા ક્ષેત્રં તુ વૈષ્ણવમ્ ॥
લિંગં પ્રતિષ્ઠયામાસ સર્વપાપપ્રણાશનમ્

યસ્તં પૂજયતે ભક્ત્યા પંચમ્યાં તુ વિધાનતઃ ॥
ન વિષં ક્રમતે તસ્ય સપ્ત જન્માનિ સર્પજમ્

પંચામૃતેન સંસ્નાપ્ય પૂજયિત્વા વિધાનતઃ ॥
પ્રાપ્નુયાત્સકલં પુણ્યં મોદતે દિવિ દેવવત્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે રત્નેશ્વરમાહાત્મ્યે ગરુડેશ્વરમાહાત્મ્યવર્ણનંનામ ષટ્પંચાશદુત્તરશતતમોઽધ્યાયઃ