Skanda Purana · Chapter 7.149

// īśvara uvāca // //
tato gacchenmahādevi bhairaveśvaramuttamam //
brahmakuṇḍasya īśāne sthitaṃ pāpapraṇāśanam //
caturvaktraṃ mahādevaṃ saṃsthitaṃ tīrtharakṣaṇe

tatra snātvā mahākuṇḍe yastaṃ pūjayate naraḥ //
paṃcopacāravidhinā bhaktiyukto yatendriyaḥ

kulāni yānyatītāni bhaviṣyāṇi ca yāni vai //
tārayetsa naro devi nātra kāryā vicāraṇā

na cātra saṃbhavastasya vināśo naiva jāyate //
vimānaiścarate nityaṃ divākarasamaprabhaiḥ

strīsahasrairvṛto nityaṃ krīḍate devava ddivi

etalliṃgaṃ mahādevi caturvaktraṃ mahāprabham //
dṛṣṭvāpi tadvimucyeta sarvapāpaistu mānavaḥ

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye bhairaveśvaramāhātmyavarṇanaṃnāmaikonapaṃcāśaduttaraśatatamo'dhyāyaḥ