Skanda Purana · Chapter 7.135

īśvara uvāca//
tatraiva saṃsthitāṃ paśyeddevīṃ duḥkhāṃtakāriṇīm//
śītaleti purā khyātā yuge dvāparasaṃjñite//
kalau punaḥ samākhyātāṃ kaliduḥkhāntakāriṇīm

śītalaṃ kurute dehaṃ bālānāṃ rogavarjitam//
pūjitā bhaktibhāvena tena sā śītalā smṛtā

visphoṭānāṃ praśāṃtyarthaṃ bālānāṃ caiva kāraṇāt //
mānena māpitānkṛtvā masūrāṃstatra kuṭṭayet

śītalāpurato dattvā bālāḥ santu nirāmayāḥ //
visphoṭacarcikādīnāṃ vātādīnāṃ śamo bhavet

śrāddhaṃ tatraiva kurvīta brāhmaṇāṃstatra bhojayet

karpūraṃ kusumaṃ caiva mṛganābhiṃ sucandanam//
puṣpāṇi ca sugandhāni naivedyaṃ ghṛtapāyasam //
nivedya devyai tatsarvaṃ daṃpatyoḥ paridhāpayet

navamyāṃ śuklapakṣe tu mālāṃ vilvamayīṃ śubhām//
bhaktyā nivedya tāṃ devyai sarvasiddhimavāpnuyāt

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye duḥkhāntakāriṇītilāgaurīmāhātmyavarṇanaṃnāma pañcatriṃduttaraśatatamo'dhyāyaḥ