સ્કંદ પુરાણ · અધ્યાય 7.135

ઈશ્વર ઉવાચ॥
તત્રૈવ સંસ્થિતાં પશ્યેદ્દેવીં દુઃખાંતકારિણીમ્॥
શીતલેતિ પુરા ખ્યાતા યુગે દ્વાપરસંજ્ઞિતે॥
કલૌ પુનઃ સમાખ્યાતાં કલિદુઃખાન્તકારિણીમ્

શીતલં કુરુતે દેહં બાલાનાં રોગવર્જિતમ્॥
પૂજિતા ભક્તિભાવેન તેન સા શીતલા સ્મૃતા

વિસ્ફોટાનાં પ્રશાંત્યર્થં બાલાનાં ચૈવ કારણાત્ ॥
માનેન માપિતાન્કૃત્વા મસૂરાંસ્તત્ર કુટ્ટયેત્

શીતલાપુરતો દત્ત્વા બાલાઃ સન્તુ નિરામયાઃ ॥
વિસ્ફોટચર્ચિકાદીનાં વાતાદીનાં શમો ભવેત્

શ્રાદ્ધં તત્રૈવ કુર્વીત બ્રાહ્મણાંસ્તત્ર ભોજયેત્

કર્પૂરં કુસુમં ચૈવ મૃગનાભિં સુચન્દનમ્॥
પુષ્પાણિ ચ સુગન્ધાનિ નૈવેદ્યં ઘૃતપાયસમ્ ॥
નિવેદ્ય દેવ્યૈ તત્સર્વં દંપત્યોઃ પરિધાપયેત્

નવમ્યાં શુક્લપક્ષે તુ માલાં વિલ્વમયીં શુભામ્॥
ભક્ત્યા નિવેદ્ય તાં દેવ્યૈ સર્વસિદ્ધિમવાપ્નુયાત્

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે દુઃખાન્તકારિણીતિલાગૌરીમાહાત્મ્યવર્ણનંનામ પઞ્ચત્રિંદુત્તરશતતમોઽધ્યાયઃ