Skanda Purana · Chapter 7.122

// īśvara uvāca // //
tato gacchenmahādevi liṃgaṃ citrāṃgadeśvaram //
tasyaiva nairṛte bhāge dhanurviṃśatibhiḥ sthitam

citrāṃgadena deveśi gaṃdharvapatinā priye //
kṣetraṃ pavitraṃ jñātvā vai liṃgaṃ tatra pratiṣṭhitam //
kṛtvā tapo mahāghoraṃ samārādhya maheśvaram

atha yo bhāvasaṃyuktastalligaṃ saṃprapūjayet //
gāṃdharvalokamāpnoti gandharvaiḥ saha modate

tatra śuklatrayodaśyāṃ saṃsnāpya vidhinā śivam //
pūjayedvividhaiḥ puṣpairgaṃdhadhūpairanu kramāt //
sa prāpnotyakhilaṃ kāmaṃ manasā yadyadīpsitam

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye citrāṃgadeśvaramāhātmyavarṇanaṃnāma dvāviṃśatyuttaraśatatamo'dhyāyaḥ