સ્કંદ પુરાણ · અધ્યાય 7.122

॥ ઈશ્વર ઉવાચ ॥ ॥
તતો ગચ્છેન્મહાદેવિ લિંગં ચિત્રાંગદેશ્વરમ્ ॥
તસ્યૈવ નૈરૃતે ભાગે ધનુર્વિંશતિભિઃ સ્થિતમ્

ચિત્રાંગદેન દેવેશિ ગંધર્વપતિના પ્રિયે ॥
ક્ષેત્રં પવિત્રં જ્ઞાત્વા વૈ લિંગં તત્ર પ્રતિષ્ઠિતમ્ ॥
કૃત્વા તપો મહાઘોરં સમારાધ્ય મહેશ્વરમ્

અથ યો ભાવસંયુક્તસ્તલ્લિગં સંપ્રપૂજયેત્ ॥
ગાંધર્વલોકમાપ્નોતિ ગન્ધર્વૈઃ સહ મોદતે

તત્ર શુક્લત્રયોદશ્યાં સંસ્નાપ્ય વિધિના શિવમ્ ॥
પૂજયેદ્વિવિધૈઃ પુષ્પૈર્ગંધધૂપૈરનુ ક્રમાત્ ॥
સ પ્રાપ્નોત્યખિલં કામં મનસા યદ્યદીપ્સિતમ્

ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખંડે પ્રથમે પ્રભાસક્ષેત્રમાહાત્મ્યે ચિત્રાંગદેશ્વરમાહાત્મ્યવર્ણનંનામ દ્વાવિંશત્યુત્તરશતતમોઽધ્યાયઃ