Skanda Purana · Verses 7.12-3

// īśvara uvāca // //
yā saṃjñā sā smṛtā rājñī chāyā yā sā tu nikṣubhā //
rājṛ dīptau smṛto dhātū rājā rājati yaḥ sadā

adhikaṃ sarvabhūtebhyastasmādrājā sa ucyate //
rājapatnī tu sā yasmāttasmādrājñī prakīrtitā

kṣubha saṃcalane dhāturniścalā tena nikṣubhā //
bhavaṃti hyathavā yasmātsvāṃgīyāḥ kṣudvivarjitāḥ

chāyā tāṃ viśate divyā smṛtā sā tena nikṣubhā //
sāṃprataṃ vartate yo'yaṃ manurloke mahāmate

tasyānvavāye jātastu śaṃkhacakagadādharaḥ //
yamastu mātrā saṃśapto hīnapādo dharātale

prabhāsakṣetramāsādya cacāra vipulaṃ tapaḥ //
varṣāṇāmayutaṃ sāgraṃ liṃgaṃ pūjitavānpriye

tuṣṭaścāhaṃ tatastasya varāṇāṃ ca śataṃ dadau //
adyāpi tatra deveśi yameśvaramiti śrutam //
yamadvitīyāyāṃ dṛṣṭvā yamalokaṃ na paśyati

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye yameśvarotpattivarṇanaṃnāma dvādaśo'dhyāyaḥ