Skanda Purana · Chapter 7.109

// īśvara uvāca // //
tato gacchenmahādevi anileśvaramuttamam//
tasyottareśānadiksthaṃ dhanuṣāṃ tritaye priye

liṃgaṃ mahāprabhāvaṃ hi darśanātpāpanāśanam //
vasūnāṃ pañcamo yo'sāvanilaḥ parikīrtitaḥ

sa cā''rādhya mahādevaṃ pratyakṣīkṛtavānbhavam //
liṃgaṃ pratiṣṭhayāmāsa samyakchraddhāsamanvitaḥ

evamīśaprabhāvena sutastasyā'pyabhūdbalī //
manojaveti vikhyāto hyavijñātagatistathā

taṃ dṛṣṭvā vyādhinā martyo pīḍyate na kadācana //
nāndho na badhiro mūko na rogī na ca nirdhanaḥ //
kadācijjāyate martyastena dṛṣṭena bhūtale

puṣpamekaṃ tu yo dadyāttasya liṃgasya copari //
sukhasaubhāgyasaṃpannaḥ sa sadā rūpavānbhavet

ityevaṃ kathitaṃ devi māhātmyaṃ pāpanāśanam//
śrutvā'numodya bhāvena sarvakāmaiḥ samṛddhyate

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye 'nileśvaramāhātmyavarṇanaṃnāma navottaraśatata mo'dhyāyaḥ