સ્કંદ પુરાણ · અધ્યાય 7.109

॥ ઈશ્વર ઉવાચ ॥ ॥
તતો ગચ્છેન્મહાદેવિ અનિલેશ્વરમુત્તમમ્॥
તસ્યોત્તરેશાનદિક્સ્થં ધનુષાં ત્રિતયે પ્રિયે

લિંગં મહાપ્રભાવં હિ દર્શનાત્પાપનાશનમ્ ॥
વસૂનાં પઞ્ચમો યોઽસાવનિલઃ પરિકીર્તિતઃ

સ ચાઽઽરાધ્ય મહાદેવં પ્રત્યક્ષીકૃતવાન્ભવમ્ ॥
લિંગં પ્રતિષ્ઠયામાસ સમ્યક્છ્રદ્ધાસમન્વિતઃ

એવમીશપ્રભાવેન સુતસ્તસ્યાઽપ્યભૂદ્બલી ॥
મનોજવેતિ વિખ્યાતો હ્યવિજ્ઞાતગતિસ્તથા

તં દૃષ્ટ્વા વ્યાધિના મર્ત્યો પીડ્યતે ન કદાચન ॥
નાન્ધો ન બધિરો મૂકો ન રોગી ન ચ નિર્ધનઃ ॥
કદાચિજ્જાયતે મર્ત્યસ્તેન દૃષ્ટેન ભૂતલે

પુષ્પમેકં તુ યો દદ્યાત્તસ્ય લિંગસ્ય ચોપરિ ॥
સુખસૌભાગ્યસંપન્નઃ સ સદા રૂપવાન્ભવેત્

ઇત્યેવં કથિતં દેવિ માહાત્મ્યં પાપનાશનમ્॥
શ્રુત્વાઽનુમોદ્ય ભાવેન સર્વકામૈઃ સમૃદ્ધ્યતે

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે ઽનિલેશ્વરમાહાત્મ્યવર્ણનંનામ નવોત્તરશતત મોઽધ્યાયઃ