Skanda Purana · Chapter 7.102

tato gacchenmahādevi devīṃ kaṃṭakaśodhinīm //
tasyaivottaradigbhāge dhanurdvitayasaṃsthitām

mahiṣaghnīṃ mahākāyāṃ brahmadevarṣipūjitām //
purā ye kalmaṣopetā dānavā devakaṃṭakāḥ

yugeyuge śodhayettāṃstena kaṃṭakaśodhinī //
āśvayukchuklapakṣe tu navamyāṃ tāmathārcayet

paśupuṣpopahāraiśca dīpadhūpaistathottamaiḥ //
tasyā'rayo na jāyaṃte yāvadvarṣaṃ varānane

yastāṃ paśyati sadbhaktyā bhūtāyā nityameva vā // / //
taṃ putramiva kalyāṇī saṃrakṣati na saṃśayaḥ

iti saṃkṣepataḥ proktaṃ māhātmyaṃ pāpanāśanam //
devi kaṃṭakaśodhinyāḥ śrutaṃ rakṣākaraṃ param

iti śrīskāṃde mahā purāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye sāṃbādityasamīpavartikaṃṭakaśodhinīmāhātmyavarṇanaṃnāma dvyuttaraśatatamodhyāyaḥ