Skanda Purana · Chapter 6.74

// sūta uvāca // //
dhṛtarāṣṭreṇa bhūpena śataputrānvitena ca //
liṃgānāṃ sthāpitaṃ tatra śatamekottaraṃ dvijāḥ

tathā ca pāṃḍavaiḥ sarvaiḥ sthāpitaṃ liṃgapaṃcakam //
draupadyā cā'tha kuntyā'tha gāṃdhāryā'tha yadṛcchayā

bhānumatyā ca gaurīṇāṃ sthāpitaṃ ca catuṣṭayam //
vidureṇātha śalyena kaliṃ gena yuyutsunā

bāhlīkena saputreṇa karṇenātha sasūnunā //
tathā śakuninā tatra droṇena ca kṛpeṇa ca

aśvatthāmnā pṛthaktvena liṅgamekaikamuttamam //
sthāpitaṃ parayā bhaktyā varaprāsādamāśritam

tathā saṃsthāpitaṃ tatra viṣṇunā prabhaviṣṇunā //
liṃgaṃ prāsādamādhāya prottuṃgaśikharānvitam

sātvatenāpi sāṃbena balabhadreṇa dhīmatā //
pradyumenāniruddhena tathānyairmukhyayādavaiḥ

cārudeṣṇādibhiḥ putrai rukmiṇyā daśabhiḥ sutaiḥ //
liṃgānāṃ daśakaṃ mukhyaṃ sthāpitaṃ śraddhayānvitaiḥ

evaṃ saṃsthāpya liṅgāni te sarve kurupāṃḍavāḥ //
yādavāśca susaṃhṛṣṭā kṛtakṛtyāstadā/ 'bhavan

tatra sthitvā ciraṃ kālaṃ dattvā dānānyanekaśaḥ //
dhanāḍhyānbrāhmaṇānkṛtvā camatkārapurodbhavān

dattvā tebhyo varānnāgānha yāñjātyānanekaśaḥ//
sadgrāmāṇi vicitrāṇi kṣetrāṇi ca sudhenavaḥ

mahokṣāṃśca suvastrāṇi bhūsthānānyāśrayāṃstathā //
dāsīdāsāṃstathā bhṛtyāndānāni vividhāni ca

tata āmantrya tānsarvānpraṇipatya muhurmuhuḥ //
svasthānaṃ prati saṃhṛṣṭāḥ prajagmuḥ sarva eva te

// sūta uvāca // //
etadvaḥ sarvamākhyātaṃ sthāpitaṃ tena bhūbhujā //
tathā taddhṛtarāṣṭreṇa liṃgaṃ pātakanāśanam

tathānyairapi bhūpālaiḥ prādhānyena vyavasthitaiḥ //
pāṇḍavairyādavaiścaiva pṛthaktvena vyavasthitaiḥ ///५//
yastāni puruṣaḥ samyakpūjayedbhaktibhāvitaḥ //
sa labheccākhilānkāmānvāṃchitānsvena cetasā

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhenāgarakhaṇḍe hāṭakeśvarakṣetramāhātmye kauravapāṇḍavayādavakṛtaliṃga pratiṣṭhāvṛttāṃtavarṇanaṃnāma catuḥsaptatitamo'dhyāyaḥ