સ્કંદ પુરાણ · અધ્યાય 6.74

॥ સૂત ઉવાચ ॥ ॥
ધૃતરાષ્ટ્રેણ ભૂપેન શતપુત્રાન્વિતેન ચ ॥
લિંગાનાં સ્થાપિતં તત્ર શતમેકોત્તરં દ્વિજાઃ

તથા ચ પાંડવૈઃ સર્વૈઃ સ્થાપિતં લિંગપંચકમ્ ॥
દ્રૌપદ્યા ચાઽથ કુન્ત્યાઽથ ગાંધાર્યાઽથ યદૃચ્છયા

ભાનુમત્યા ચ ગૌરીણાં સ્થાપિતં ચ ચતુષ્ટયમ્ ॥
વિદુરેણાથ શલ્યેન કલિં ગેન યુયુત્સુના

બાહ્લીકેન સપુત્રેણ કર્ણેનાથ સસૂનુના ॥
તથા શકુનિના તત્ર દ્રોણેન ચ કૃપેણ ચ

અશ્વત્થામ્ના પૃથક્ત્વેન લિઙ્ગમેકૈકમુત્તમમ્ ॥
સ્થાપિતં પરયા ભક્ત્યા વરપ્રાસાદમાશ્રિતમ્

તથા સંસ્થાપિતં તત્ર વિષ્ણુના પ્રભવિષ્ણુના ॥
લિંગં પ્રાસાદમાધાય પ્રોત્તુંગશિખરાન્વિતમ્

સાત્વતેનાપિ સાંબેન બલભદ્રેણ ધીમતા ॥
પ્રદ્યુમેનાનિરુદ્ધેન તથાન્યૈર્મુખ્યયાદવૈઃ

ચારુદેષ્ણાદિભિઃ પુત્રૈ રુક્મિણ્યા દશભિઃ સુતૈઃ ॥
લિંગાનાં દશકં મુખ્યં સ્થાપિતં શ્રદ્ધયાન્વિતૈઃ

એવં સંસ્થાપ્ય લિઙ્ગાનિ તે સર્વે કુરુપાંડવાઃ ॥
યાદવાશ્ચ સુસંહૃષ્ટા કૃતકૃત્યાસ્તદા। ઽભવન્

તત્ર સ્થિત્વા ચિરં કાલં દત્ત્વા દાનાન્યનેકશઃ ॥
ધનાઢ્યાન્બ્રાહ્મણાન્કૃત્વા ચમત્કારપુરોદ્ભવાન્

દત્ત્વા તેભ્યો વરાન્નાગાન્હ યાઞ્જાત્યાનનેકશઃ॥
સદ્ગ્રામાણિ વિચિત્રાણિ ક્ષેત્રાણિ ચ સુધેનવઃ

મહોક્ષાંશ્ચ સુવસ્ત્રાણિ ભૂસ્થાનાન્યાશ્રયાંસ્તથા ॥
દાસીદાસાંસ્તથા ભૃત્યાન્દાનાનિ વિવિધાનિ ચ

તત આમન્ત્ર્ય તાન્સર્વાન્પ્રણિપત્ય મુહુર્મુહુઃ ॥
સ્વસ્થાનં પ્રતિ સંહૃષ્ટાઃ પ્રજગ્મુઃ સર્વ એવ તે

॥ સૂત ઉવાચ ॥ ॥
એતદ્વઃ સર્વમાખ્યાતં સ્થાપિતં તેન ભૂભુજા ॥
તથા તદ્ધૃતરાષ્ટ્રેણ લિંગં પાતકનાશનમ્

તથાન્યૈરપિ ભૂપાલૈઃ પ્રાધાન્યેન વ્યવસ્થિતૈઃ ॥
પાણ્ડવૈર્યાદવૈશ્ચૈવ પૃથક્ત્વેન વ્યવસ્થિતૈઃ ॥।૫॥
યસ્તાનિ પુરુષઃ સમ્યક્પૂજયેદ્ભક્તિભાવિતઃ ॥
સ લભેચ્ચાખિલાન્કામાન્વાંછિતાન્સ્વેન ચેતસા

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં ષષ્ઠેનાગરખણ્ડે હાટકેશ્વરક્ષેત્રમાહાત્મ્યે કૌરવપાણ્ડવયાદવકૃતલિંગ પ્રતિષ્ઠાવૃત્તાંતવર્ણનંનામ ચતુઃસપ્તતિતમોઽધ્યાયઃ