Skanda Purana · Chapter 6.277

// ṛṣaya ūcuḥ // //
ki nāmāno dvijāste ca vārāṇasyāḥ samāgatāḥ//
ekādaśaprakāro'sau yeṣāṃ rudraḥ prabhaktitaḥ //
tatsaṃjñāśca samācakṣva vistareṇa mahāmune

// sūta uvāca // //
ekasteṣāṃ mṛgavyādho vikhyāto bhuvanatraye //
dvitīyaḥ sarvasaṃjñaśca niṃditaśca tṛtīyakaḥ

mahāyaśāścaturthastu kathyate munisattamāḥ //
ajaikapāda ityuktaḥ paṃcamo muni sattamāḥ

ahirbudhnyastathā ṣaṣṭhaḥ pinākī saptamastathā //
paraṃ tapastathānyastu dahano navamastathā

īśvaro daśamaḥ proktaḥ kapālī cāṃti mastathā //
teṣāmetāni nāmāni sthitānyeva hi yāni ca //
rudrāṇāmapi tānyeva vihitāni hareṇa tu

// ṛṣaya ūcuḥ // //
kāni dānāni śasyāni tadarthaṃ vada no drutam //
japaścaiva purā proktastvayā kāryo yathaiva ca

// sūta uvāca // //
taduddiśya pradātavyamekaikasya pṛthakpṛthak //
pratyakṣāśca mahābhāga dātavyā dhenavaḥ kramāt

mṛgavyādhāya pratyakṣā gaurdeyā ca guḍodbhavā //
kapāline pradātavyā navanītasamudbhavā

ajapādāya cājyotthā ahirbudhnyāya hemajā //
pinākine pradātavyā dhenurlavaṇasambhavā

paraṃtapāya viprendrāstathaiva rasasa mbhavā //
annajā dahanāyoktā īśvarāya jalodbhavā

etā dadāti yo viprā eteṣāṃ ca mahātmanām //
cakravartī bhavennūnametadāha pitāmahaḥ ////

anyatrāpi pradattāśca kiṃ punarbhavasaṃnidhau //
tasmātsarvaprayatnena etā deyāḥ prayatnataḥ

dhenavo yo na śaktaḥ syādekā deyā prayatnataḥ //
sarveṣāmeva rudrāṇāṃ bhartṛyajñavaco yathā

iti śrīskānde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye ekādaśarudrasamīpe dānamāhātmyavarṇanaṃ nāma saptasaptatyuttaradviśatatamo'dhyāyaḥ