સ્કંદ પુરાણ · અધ્યાય 6.277

॥ ઋષય ઊચુઃ ॥ ॥
કિ નામાનો દ્વિજાસ્તે ચ વારાણસ્યાઃ સમાગતાઃ॥
એકાદશપ્રકારોઽસૌ યેષાં રુદ્રઃ પ્રભક્તિતઃ ॥
તત્સંજ્ઞાશ્ચ સમાચક્ષ્વ વિસ્તરેણ મહામુને

॥ સૂત ઉવાચ ॥ ॥
એકસ્તેષાં મૃગવ્યાધો વિખ્યાતો ભુવનત્રયે ॥
દ્વિતીયઃ સર્વસંજ્ઞશ્ચ નિંદિતશ્ચ તૃતીયકઃ

મહાયશાશ્ચતુર્થસ્તુ કથ્યતે મુનિસત્તમાઃ ॥
અજૈકપાદ ઇત્યુક્તઃ પંચમો મુનિ સત્તમાઃ

અહિર્બુધ્ન્યસ્તથા ષષ્ઠઃ પિનાકી સપ્તમસ્તથા ॥
પરં તપસ્તથાન્યસ્તુ દહનો નવમસ્તથા

ઈશ્વરો દશમઃ પ્રોક્તઃ કપાલી ચાંતિ મસ્તથા ॥
તેષામેતાનિ નામાનિ સ્થિતાન્યેવ હિ યાનિ ચ ॥
રુદ્રાણામપિ તાન્યેવ વિહિતાનિ હરેણ તુ

॥ ઋષય ઊચુઃ ॥ ॥
કાનિ દાનાનિ શસ્યાનિ તદર્થં વદ નો દ્રુતમ્ ॥
જપશ્ચૈવ પુરા પ્રોક્તસ્ત્વયા કાર્યો યથૈવ ચ

॥ સૂત ઉવાચ ॥ ॥
તદુદ્દિશ્ય પ્રદાતવ્યમેકૈકસ્ય પૃથક્પૃથક્ ॥
પ્રત્યક્ષાશ્ચ મહાભાગ દાતવ્યા ધેનવઃ ક્રમાત્

મૃગવ્યાધાય પ્રત્યક્ષા ગૌર્દેયા ચ ગુડોદ્ભવા ॥
કપાલિને પ્રદાતવ્યા નવનીતસમુદ્ભવા

અજપાદાય ચાજ્યોત્થા અહિર્બુધ્ન્યાય હેમજા ॥
પિનાકિને પ્રદાતવ્યા ધેનુર્લવણસમ્ભવા

પરંતપાય વિપ્રેન્દ્રાસ્તથૈવ રસસ મ્ભવા ॥
અન્નજા દહનાયોક્તા ઈશ્વરાય જલોદ્ભવા

એતા દદાતિ યો વિપ્રા એતેષાં ચ મહાત્મનામ્ ॥
ચક્રવર્તી ભવેન્નૂનમેતદાહ પિતામહઃ ॥॥

અન્યત્રાપિ પ્રદત્તાશ્ચ કિં પુનર્ભવસંનિધૌ ॥
તસ્માત્સર્વપ્રયત્નેન એતા દેયાઃ પ્રયત્નતઃ

ધેનવો યો ન શક્તઃ સ્યાદેકા દેયા પ્રયત્નતઃ ॥
સર્વેષામેવ રુદ્રાણાં ભર્તૃયજ્ઞવચો યથા

ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં ષષ્ઠે નાગરખણ્ડે હાટકેશ્વરક્ષેત્રમાહાત્મ્યે એકાદશરુદ્રસમીપે દાનમાહાત્મ્યવર્ણનં નામ સપ્તસપ્તત્યુત્તરદ્વિશતતમોઽધ્યાયઃ