Skanda Purana · Chapter 6.275

// sūta uvāca // //
duḥśīlo'pi ca tatkṛtvā gurornāmnā śivālayam //
nimbeśvara iti khyātaṃ dakṣiṇāṃ diśamāśritam

cakāra parayā bhaktyā tatpādābjamanusmaran //
tathā tasya tu bhāryā yā nāmnā śākaṃbharī smṛtā

svanāmāṃkā tatra durgā tathā saṃsthāpitā tayā //
tatastu taddhanaṃ tābhyāṃ kiciccheṣaṃ vyavasthitam

pūjārthaṃ devatābhyāṃ ca brāhmaṇebhyaḥ samarpitam //
bhikṣābhujau tato jātau dampatī tau tataḥ param

kasyacittvatha kālasya duḥśīlo nidhanaṃ gataḥ

śākaṃbharyapi tatkāyaṃ gṛhītvā havyavāhanam //
praviṣṭā nṛpaśārdūla nirvikalpena cetasā

tato vimānamāruhya varāpsaraḥsusevitam //
gatau tau dvāvapi svargaṃ saṃprahṛṣṭatanūruhau

etaṃ duḥśīlajaṃ yastu paṭhedākhyānamuttamam //
sa sarvairmucyate pāpairajñānavihitairnṛpa

iti śrīskānde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye nimbeśvaraśākaṃbharyutpattimāhātmyavarṇanaṃ nāma pañcasaptatyuttaradviśatatamodbhayāyaḥ