સ્કંદ પુરાણ · અધ્યાય 6.275

॥ સૂત ઉવાચ ॥ ॥
દુઃશીલોઽપિ ચ તત્કૃત્વા ગુરોર્નામ્ના શિવાલયમ્ ॥
નિમ્બેશ્વર ઇતિ ખ્યાતં દક્ષિણાં દિશમાશ્રિતમ્

ચકાર પરયા ભક્ત્યા તત્પાદાબ્જમનુસ્મરન્ ॥
તથા તસ્ય તુ ભાર્યા યા નામ્ના શાકંભરી સ્મૃતા

સ્વનામાંકા તત્ર દુર્ગા તથા સંસ્થાપિતા તયા ॥
તતસ્તુ તદ્ધનં તાભ્યાં કિચિચ્છેષં વ્યવસ્થિતમ્

પૂજાર્થં દેવતાભ્યાં ચ બ્રાહ્મણેભ્યઃ સમર્પિતમ્ ॥
ભિક્ષાભુજૌ તતો જાતૌ દમ્પતી તૌ તતઃ પરમ્

કસ્યચિત્ત્વથ કાલસ્ય દુઃશીલો નિધનં ગતઃ

શાકંભર્યપિ તત્કાયં ગૃહીત્વા હવ્યવાહનમ્ ॥
પ્રવિષ્ટા નૃપશાર્દૂલ નિર્વિકલ્પેન ચેતસા

તતો વિમાનમારુહ્ય વરાપ્સરઃસુસેવિતમ્ ॥
ગતૌ તૌ દ્વાવપિ સ્વર્ગં સંપ્રહૃષ્ટતનૂરુહૌ

એતં દુઃશીલજં યસ્તુ પઠેદાખ્યાનમુત્તમમ્ ॥
સ સર્વૈર્મુચ્યતે પાપૈરજ્ઞાનવિહિતૈર્નૃપ

ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં ષષ્ઠે નાગરખણ્ડે હાટકેશ્વરક્ષેત્રમાહાત્મ્યે નિમ્બેશ્વરશાકંભર્યુત્પત્તિમાહાત્મ્યવર્ણનં નામ પઞ્ચસપ્તત્યુત્તરદ્વિશતતમોદ્ભયાયઃ