Skanda Purana · Chapter 6.261

// nārada uvāca // //
kathaṃ nityā bhagavatī harapatnī yaśasvinī //
yogasiddhiṃ sumahatīṃ prāpa māsacatuṣṭaye

mantrarājamimaṃ japtvā dvādaśākṣarasaṃbhavam //
etanme vistareṇa tvaṃ kathayasva yathātatham

//
// brahmovāca // //
cāturmāsye harau supte pārvatī niyatavratā //
manasā karmaṇā vācā haribhaktiparāyaṇā

cāruśṛṃge piturnityaṃ tiṣṭhaṃtī tapasi sthitā //
devadvijāgnigo'śvatthātithipūjāparāyaṇā

cāturmāsye'tha saṃprāpte vimale harivāsare //
jajāpa paramaṃ maṃtraṃ yathādiṣṭaṃ pinākinā

śaṃkhacakradharo viṣṇuścaturhastaḥ kirīṭadhṛk //
meghaśyāmoṃ'bujākṣaśca sūryakoṭisamaprabhaḥ

garuḍādhiṣṭhito hṛṣṭo vasanvyāpya jagattrayam //
śrīvatsakaustubhayutaḥ pītakauśeyavastrakaḥ

sarvābharaṇaśobhābhirabhidīptamahāvapuḥ //
babhāṣe pārvatīṃ viṣṇuḥ prasannavadanaḥ śubhām//
devi tuṣṭo 'smi bhadraṃ te kathayasva tavepsitam

// pārvatyuvāca // //
tajjñānamamalaṃ dehi yena nāvarttanaṃ bhavet //
ityuktaḥ sa mahāviṣṇuḥ pratyuvāca harapriyām

sa eva devadeveśastava vakṣyatyasaṃśayam //
sa eva bhagavānsākṣī dehāṃtarabahiḥsthitaḥ

/
viśvasraṣṭā ca goptā ca pavitrāṇāṃ ca pāvanaḥ //
anādinidhano dharmo dharmādīnāṃ prabhurhi saḥ

akṣaratrayasevyaṃ yatsakalaṃ brahma eva saḥ //
mūrttāmūrttasvarūpeṇa yo'jo janmadharo hi saḥ

mamādhikāro naivāsti vaktuṃ tava na saṃśayaḥ //
ityuktvā bhagavānīśo virarāma prahṛṣṭavān

etasminnaṃtare śaṃbhurgirijāśramamabhyagāt //
sarvabhūta gaṇairyukto vimāne sārvakāmike

tayā vai bhagavāndevaḥ pūjitaḥ parameśvaraḥ //
sakhīnāmapi pratyakṣamāścaryaṃ samajāyata

stutvā'tha taṃ mahādevaṃ viṣṇurdehe layaṃ yayau //
athovāca maheśānaḥ pārvatīṃ parameśvaraḥ

vimānavaramāruhya tuṣṭo'haṃ tava suvrate //
gatvaikāṃtapradeśaṃ te kathaye paramaṃ mahaḥ

evamuktvā bhagavatīṃ kare gṛhya mudānvitaḥ //
vimānavaramāropya līlayā prayayau tadā

nānādhātumayānadrīnnānāratnavicitritān //
nadīnirjharakuṃjāṃśca nadānkokilakūjitān

akhātāndevakhātāṃśca gaṃgādyāḥ saritastathā //
saugaṃdhikāṃśca kalhārānsahasradalapiṃjarān

/
darśanyakarṇikārāṃśca kovidārānmahādrumān //
tālāṃstamālānhiṃtālānpriyaṃgūnpanasānapi

tilakānbakulāṃścaiva bahūnapi ca puṣpitān //
kṣetrāṇi kalanābhāni piñjarāṇi vidarśayan

yayau devanadītīre gataṃ śaravaṇaṃ mahat //
phullakāśaṃ svarṇamayaṃ śarastaṃbagaṇānvitam

hema bhūmivibhāgasthaṃ vahnikāṃtimṛgadvijam //
tatra tīragatānāṃ ca munīnāmūrdhvaretasām

āśramānsa vimānāgre tiṣṭhanpatnyai pradarśayat //
ṣaṭkṛttikāśca dadṛśe pārvatī vanasannidhau

snātāḥ svalaṃkṛtāścandrapatnyastā virajāṃbarāḥ //
ūcustā yojitakarā ke'yaṃ putrāya gamyate

tatkathyatāṃ mahābhāge sa ca te darśanaṃ gataḥ

// pārvatyuvāca // //
mama bhāgyavaśātputraḥ kathamutsaṃgamāharet //
na hyabhāgyavaśātpuṃsāṃ kvāpi saukhyaṃ nirantaram

sutanāmnāpyahaṃ dṛṣṭvā bhavatīnāṃ ca darśanāt//
kimarthamiha saṃprāptāḥ kathyatāmavilaṃbitam

kṛttikā ūcuḥ//
vayaṃ tava sutaṃ nyastaṃ pradātumiha sundari//
cāturmāsye ravau snātumāgatā devanimnagām

/
pārvatyuvāca//
na hāsyāvasaraḥ sakhyaḥ satyameva hi kathyatām//
ekāṃtāvasare hāsyaṃ jāyate cetaretaram

kṛttikā ūcuḥ//
satyaṃ vadāmahe devi tava trailokyaśobhite//
asya staṃbasamūhasya madhyasthaṃ bālakaṃ vṛṇu

kṛttikānāṃ vacaḥ śrutvā śaṃkitā pārvatī tadā//
dadarśa bālaṃ dīptābhaṃ ṣaṇmukhaṃ dīptavarcasam

taḍitkoṭipratīkāśaṃ rūpadivyaśriyā yutam//
vahniputraṃ ca gāṃgeyaṃ kārtikeyaṃ mahābalam

sā vatseti gṛhītvā taṃ kumāraṃ pāṇinā mudā//
vimānamadhyamādāya kṛtvotsaṃge hyuvāca ha

ciraṃjīva ciraṃ nanda ciraṃ naṃdaya bādhavān//
ityuktvā gāḍhamāliṃgya mūrdhni cāghrāya taṃ sutam

saṃhṛṣṭā paramodāraṃ bhāsvaraṃ hṛṣṭamānasam//
kārtikeyo mahāpremṇā praṇipatya maheśvaram

tataḥ prāṃjaliravyagraḥ prahṛṣṭenāṃtarātmanā//
tadvimānaṃ yayau śīghraṃ tīrtvā nadanadīpatīn

jaṃbudvīpamatikramya lakṣayojanamāyatam//
tataḥ samudraṃ dviguṇaṃ lavaṇodaṃ tathaiva ca

uttarāṃśca kurūnnītvā vimānenārkatejasā//
samudradviguṇaṃ dvīpaṃ kuśanābheti kīrtitam

/
divyalokasamākrāṃtaṃ divyaparvatasaṃkulam//
ikṣūdādviguṇaṃ dvīpaṃ taddvīpāddviguṇaḥ punaḥ

tamatikramya tatsindhordaviguṇaṃ krauṃcasaṃjñitam//
tato'pi dviguṇaḥ sindhuḥ surodo yakṣasevitaḥ

tato'pi dviguṇaṃ dvīpaṃ śākadvīpetisaṃjñitam//
arṇavadviguṇaṃ tasmādājyarūpaṃ sunirmitaṃ

paramasvādasaṃpūrṇaṃ yatra siddhāḥ samaṃtataḥ//
tasmācca dviguṇaṃ dvīpaṃ śālmalīvṛkṣasaṃjñitam

samudro dviguṇastatra dadhimaṃḍodasaṃbhavaḥ//
sādhyā vasaṃti niyataṃ mahattapasi saṃsthitāḥ

tato'pi dviguṇaṃ dvīpaṃ plakṣanāmeti viśrutam//
kṣīrodo dviguṇastatra yatrayatramaharṣayaḥ//
ṣaḍimāni sudivyāni bhaumaḥ svarga udāhṛtaḥ//
tatra svarṇamayī bhūmistathā rajatasaṃyutā

dṛṣṭavā madhūpalasvādaiḥ sarvakāmapradāyakā//
yatra strīpuruṣāṇāṃ ca kalpavṛkṣā gṛhe sthitāḥ

vāsāṃsi bhūṣaṇānāṃ ca samūhānharṣayaṃti ca//
etāni dakṣacihnāni dvīpāni munisattama

maheśvaro vimānena vyatikrāmadvihāyasā//
plakṣadvīpasya ca prāṃte dviguṇaḥ kṣīrasāgaraḥ

/
tanmadhye sumahdvīpaṃ śvetaṃ nāma suniścitam//
ramyakaḥ parvatastatra śataśṛṃgomitadrumaḥ

tasya śṛṃge mahaddivye vimānaṃ sthāpitaṃ tadā//
tadā'mṛtaphalairvṛkṣaiḥ sevite hemavāluke

kṣīracchedena vihṛte śilātalasusaṃvṛte//
vivikte sarvasubhage maṇiratnasamanvite

umāyai kathayāmāsa devadevaḥ pinākadhṛk //
kārtikeyo'pi śuśrāva guhyādguhyataraṃ mahat //५४ /
dhyānayogaṃ maṃtrarūpaṃ dvādaśākṣarasaṃjñitam /१
praṇavena yutaṃ sāgraṃ sarahasyaṃ śruteḥ param //

// īśvara uvāca // //
akṣaratrayasaṃyukto mantro'yaṃ sakṛdakṣaraḥ //
māghamāsahitaścāyamamākṣohenaścāyamamāyo viśvapāvanaḥ //
viṣṇugamyo viṣṇu madhyo mantratrayasamanvitaḥ //
turīyakalayā'śeṣabrahmāṃḍagaṇasevitaḥ ५७ //
niṣkāmairmunibhiḥ sevyo mahāvidyādisevitaḥ //
nābhitaḥ śirasi vyāpta akhaṇḍasukhadāyakaḥ/ ९८८ //
oṃkāreti priyoktiste mahāduḥkhavināśanaḥ //
taṃ pūrvaṃ praṇavaṃ dhyātvā jñānarūpaṃ sukhāśrayam

jñātvā sarvagataṃ brahma dehaśodhanatatparaḥ १/
padmāsanaparo bhūtvā saṃpūjya jñānalocanaḥ

netre mukulite kṛtvā śuro karau kṛtvā tu saṃhatau //
cetasi dhyānarūpeṇa ciṃtayecchivamaṃgalam

taḍitkoṭipratīkāśaṃ sūryakoṭisamacchavim //
candralakṣasamacchannaṃ puruṣaṃ dyotitākhilam १/ ६२//
mūrttāmūrttavairājaṃ taṃ sadasadrūpa mavyam //
ciṃtayitvā virāḍrūpaṃ na bhūyaḥstanapo bhavet //
cāturmāsye sakṛdapi dhyānātkalmaṣasaṃkṣayaḥ// ६३ /१
evaṃ ca madrūpamidaṃ murāreramoghavīryaṃ guṇa topyapāram १/
vilokayedyo'ghavināśanāya kṣaṇaṃ prabhurjanmaśatodbhavāya

iti śrīskāṃde mahāpurāṇa ekāśīsāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye śeṣaśāyyupākhyāne brahmanāradasaṃvāde cāturmāsyamāhātmye dhyānayogonāmaikaṣaṣṭyuttaradviśatatamo'dhyāyaḥ