Skanda Purana · Chapter 6.260

// gālava uvāca // //
iti te kathitaṃ sarvaṃ śālagrāmakathānakam //
maheśvarasya cotpattiryathā liṃgatvamāpa saḥ

tasmādvaraṃ liṃgarūpaṃ śālagrāmagataṃ harim //
ye'rcayaṃti narā bhaktyā na teṣāṃ duḥkhayātanāḥ

cāturmāsye samāyāte viśeṣātpūjayecca tau //
arcitau yāvabhedena svargamokṣapradāyakau

devau hariharau bhaktyā vipravahnigavāṃ gatau //
ye'rcayaṃti mahāśūdra teṣāṃ mokṣapradohariḥ //

vedoktaṃ kārayetkarma pūrteṣṭaṃ vedatatparaḥ //
paṃcāyatanapūjā ca satyavādo hyalolatā

vivekādiguṇairyuktaḥ sa śūdro yāti sadgatim//
brahmacaryaṃ tapo nānyaddvādaśākṣaraciṃtanāt १/ ६ //
mantrairvinā ṣoḍaśa sopacāraiḥ kāryā supūjā narakādihaṃtuḥ //
yathā tathā vai girijāpateśca kāryā mahā śūdra mahāghahaṃtrī

// brahmovāca // //
evaṃ kathayatoreṣā rajanī kṣayamāyayau //
sacchūdro gālavaścaiva śiṣyaiśca parivāritaḥ

sa tena pūjito vipro yayau śīghraṃ nijāśramam

ya imaṃ śruṇuyānmartyo vācayetpāṭhayecca vā //
ślokaṃ vā sarvamapi ca tasya puṇyakṣayo na hi

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye śeṣaśāyyupākhyāne brahmanāradasaṃvāde cāturmāsya māhātmye paijavanopākhyāne ṣaṣṭyuttaradviśatatamo'dhyāyaḥ