Skanda Purana · Chapter 6.244

// paijavana uvāca // //
etānbhedānmama brūhi vistareṇa tapodhana //
tvadvākyāmṛtapānena tṛṣā naiva praśāmyati

// gālava uvāca // //
śṛṇu vistarato bhedānpurāṇoktānvadāmi te //
yāñchrutvā mucyate'vaśyaṃ manujaḥ sarvakilbiṣāt

pūrvaṃ tu keśavaḥ pūjyo dvitīyo madhusūdanaḥ //
saṃkarṣaṇastṛtīyastu tato dāmodaraḥ smṛtaḥ

paṃcamo vāsudevākhyaḥ ṣaṣṭhaḥ pradyumnasaṃjñakaḥ //
saptamo viṣṇuruktaścāṣṭamo mādhava eva ca

navamo'naṃtamūrttiśca daśamaḥ puruṣottamaḥ //
adhokṣajastataḥ paścāddvādaśastu janārdanaḥ

trayodaśastu goviṃdaścaturdaśastrivikramaḥ //
śrīdharaśca paṃcadaśo hṛṣīkeśastu ṣoḍaśaḥ

nṛsiṃhastu saptadaśo viśvayonistataḥ param//
vāmanaśca tataḥ prokta stato nārāyaṇaḥ smṛtaḥ

puṃḍarīkākṣa uktastu hyupeṃdraśca tataḥ param //
haristrayoviṃśatimaḥ kṛṣṇaścāṃtya udāhṛtaḥ

śāligrāmasya bhedāṃśca mayoktāstava śūdraja //
mūrtibhedāstathā proktā eta eva mahādhana

mūrttayastithinānmyaḥ syurekādaśyaḥ sadaiva hi //
saṃvatsareṇa pūjyaṃte caturviṃśa timūrtayaḥ

devāvatārāśca tathā caturviṃśatisaṃkhyakāḥ //
māsā mārgaśirādyāśca māsārddhāḥ pakṣasaṃjñakāḥ

adhīśasahitānnityaṃ pūjayanbhaktimānbhavet //
caturviṃśatisaṃjñaṃ ca catuṣṭayamudāhṛtam

etaccatuṣṭayaṃ nṛṇāṃ dharmakāmārthamokṣadam //
yaḥ śṛṇoti naro bhakttayā paṭhedvāpi samāhitaḥ

bhūtasargasya goptā'sau haristasya prasīdati

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmya śeṣaśāyyupākhyāne brahmanāradasaṃvāde cāturmāsyamāhātmye śāligrāmaśilāsumūrttyutpattivarṇanaṃnāma catuścatvāriṃśaduttaradvi śatatamodhyāyaḥ