સ્કંદ પુરાણ · અધ્યાય 6.244

॥ પૈજવન ઉવાચ ॥ ॥
એતાન્ભેદાન્મમ બ્રૂહિ વિસ્તરેણ તપોધન ॥
ત્વદ્વાક્યામૃતપાનેન તૃષા નૈવ પ્રશામ્યતિ

॥ ગાલવ ઉવાચ ॥ ॥
શૃણુ વિસ્તરતો ભેદાન્પુરાણોક્તાન્વદામિ તે ॥
યાઞ્છ્રુત્વા મુચ્યતેઽવશ્યં મનુજઃ સર્વકિલ્બિષાત્

પૂર્વં તુ કેશવઃ પૂજ્યો દ્વિતીયો મધુસૂદનઃ ॥
સંકર્ષણસ્તૃતીયસ્તુ તતો દામોદરઃ સ્મૃતઃ

પંચમો વાસુદેવાખ્યઃ ષષ્ઠઃ પ્રદ્યુમ્નસંજ્ઞકઃ ॥
સપ્તમો વિષ્ણુરુક્તશ્ચાષ્ટમો માધવ એવ ચ

નવમોઽનંતમૂર્ત્તિશ્ચ દશમઃ પુરુષોત્તમઃ ॥
અધોક્ષજસ્તતઃ પશ્ચાદ્દ્વાદશસ્તુ જનાર્દનઃ

ત્રયોદશસ્તુ ગોવિંદશ્ચતુર્દશસ્ત્રિવિક્રમઃ ॥
શ્રીધરશ્ચ પંચદશો હૃષીકેશસ્તુ ષોડશઃ

નૃસિંહસ્તુ સપ્તદશો વિશ્વયોનિસ્તતઃ પરમ્॥
વામનશ્ચ તતઃ પ્રોક્ત સ્તતો નારાયણઃ સ્મૃતઃ

પુંડરીકાક્ષ ઉક્તસ્તુ હ્યુપેંદ્રશ્ચ તતઃ પરમ્ ॥
હરિસ્ત્રયોવિંશતિમઃ કૃષ્ણશ્ચાંત્ય ઉદાહૃતઃ

શાલિગ્રામસ્ય ભેદાંશ્ચ મયોક્તાસ્તવ શૂદ્રજ ॥
મૂર્તિભેદાસ્તથા પ્રોક્તા એત એવ મહાધન

મૂર્ત્તયસ્તિથિનાન્મ્યઃ સ્યુરેકાદશ્યઃ સદૈવ હિ ॥
સંવત્સરેણ પૂજ્યંતે ચતુર્વિંશ તિમૂર્તયઃ

દેવાવતારાશ્ચ તથા ચતુર્વિંશતિસંખ્યકાઃ ॥
માસા માર્ગશિરાદ્યાશ્ચ માસાર્દ્ધાઃ પક્ષસંજ્ઞકાઃ

અધીશસહિતાન્નિત્યં પૂજયન્ભક્તિમાન્ભવેત્ ॥
ચતુર્વિંશતિસંજ્ઞં ચ ચતુષ્ટયમુદાહૃતમ્

એતચ્ચતુષ્ટયં નૃણાં ધર્મકામાર્થમોક્ષદમ્ ॥
યઃ શૃણોતિ નરો ભક્ત્તયા પઠેદ્વાપિ સમાહિતઃ

ભૂતસર્ગસ્ય ગોપ્તાઽસૌ હરિસ્તસ્ય પ્રસીદતિ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં ષષ્ઠે નાગરખણ્ડે હાટકેશ્વરક્ષેત્રમાહાત્મ્ય શેષશાય્યુપાખ્યાને બ્રહ્મનારદસંવાદે ચાતુર્માસ્યમાહાત્મ્યે શાલિગ્રામશિલાસુમૂર્ત્ત્યુત્પત્તિવર્ણનંનામ ચતુશ્ચત્વારિંશદુત્તરદ્વિ શતતમોધ્યાયઃ