Skanda Purana · Chapter 6.16

// // sūta uvāca // //
tasmātsarvaprayatnena tyaktvā'nyā nikhilāḥ kriyāḥ //
raktaśṛṃgasya sāṃnidhyaṃ sevanīyaṃ vicakṣaṇaiḥ

kiṃ dānaiḥ kiṃ kriyākāṃḍaiḥ kiṃ yajñaiḥ kiṃ vratairapi //
tatkṣetraṃ sevayedbhaktyā hāṭakeśvarasaṃbhavam

agniṣṭomādayo yajñāḥ sarve saṃpūrṇadakṣiṇāḥ //
tasya kṣetrasya purataḥ kalāṃ nārhaṃti ṣoḍaśīm

cāndrāyaṇāni kṛcchrāṇi tathā sāṃtapanāni ca //
tasya kṣetrasya purataḥ kalāṃ nārhaṃti ṣoḍaśīm

prabhāsādyāni tīrthāni gaṅgādyāḥ saritastathā //
tasya kṣetrasya purataḥ kalāṃ nārhaṃti ṣoḍaśīm

bhūmidānāni sarvāṇi dharmāḥ sarve dayādikāḥ//
tasya kṣetrasya purataḥ kalāṃ nārhaṃti ṣoḍaśīm

tatra rājarṣayaḥ pūrvaṃ prabhūtāḥ siddhimāgatāḥ //
paśavaḥ pakṣiṇaḥ sarpāḥ siṃhavyāghrā mṛgādayaḥ

tatra kālavaśānnaṣṭāste'pi prāptā divālayam //
yastatra vratahīno'pi kṛṣikarmarato'pi vā

nivāsaṃ kurute viprā mṛtastatra divaṃ vrajet //
kiṃvā ca bahunoktena bhūyobhūyo dvijottamāḥ

śrūyatāṃ paramaṃ guhyaṃ tasya kṣetrasya saṃbhavam //
punaṃti kṣetratīrthāni saṃvāsādiha mānavān

hāṭakeśvarajaṃ kṣetraṃ punāti smaraṇādapi //
kiṃ punardarśanādviprāḥ sparśanācca viśeṣataḥ

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye raktaśṛṅgasāṃnidhyasevanaphalaśraiṣṭhyavarṇanaṃnāma ṣoḍaśo' dhyāyaḥ