સ્કંદ પુરાણ · અધ્યાય 6.16

॥ ॥ સૂત ઉવાચ ॥ ॥
તસ્માત્સર્વપ્રયત્નેન ત્યક્ત્વાઽન્યા નિખિલાઃ ક્રિયાઃ ॥
રક્તશૃંગસ્ય સાંનિધ્યં સેવનીયં વિચક્ષણૈઃ

કિં દાનૈઃ કિં ક્રિયાકાંડૈઃ કિં યજ્ઞૈઃ કિં વ્રતૈરપિ ॥
તત્ક્ષેત્રં સેવયેદ્ભક્ત્યા હાટકેશ્વરસંભવમ્

અગ્નિષ્ટોમાદયો યજ્ઞાઃ સર્વે સંપૂર્ણદક્ષિણાઃ ॥
તસ્ય ક્ષેત્રસ્ય પુરતઃ કલાં નાર્હંતિ ષોડશીમ્

ચાન્દ્રાયણાનિ કૃચ્છ્રાણિ તથા સાંતપનાનિ ચ ॥
તસ્ય ક્ષેત્રસ્ય પુરતઃ કલાં નાર્હંતિ ષોડશીમ્

પ્રભાસાદ્યાનિ તીર્થાનિ ગઙ્ગાદ્યાઃ સરિતસ્તથા ॥
તસ્ય ક્ષેત્રસ્ય પુરતઃ કલાં નાર્હંતિ ષોડશીમ્

ભૂમિદાનાનિ સર્વાણિ ધર્માઃ સર્વે દયાદિકાઃ॥
તસ્ય ક્ષેત્રસ્ય પુરતઃ કલાં નાર્હંતિ ષોડશીમ્

તત્ર રાજર્ષયઃ પૂર્વં પ્રભૂતાઃ સિદ્ધિમાગતાઃ ॥
પશવઃ પક્ષિણઃ સર્પાઃ સિંહવ્યાઘ્રા મૃગાદયઃ

તત્ર કાલવશાન્નષ્ટાસ્તેઽપિ પ્રાપ્તા દિવાલયમ્ ॥
યસ્તત્ર વ્રતહીનોઽપિ કૃષિકર્મરતોઽપિ વા

નિવાસં કુરુતે વિપ્રા મૃતસ્તત્ર દિવં વ્રજેત્ ॥
કિંવા ચ બહુનોક્તેન ભૂયોભૂયો દ્વિજોત્તમાઃ

શ્રૂયતાં પરમં ગુહ્યં તસ્ય ક્ષેત્રસ્ય સંભવમ્ ॥
પુનંતિ ક્ષેત્રતીર્થાનિ સંવાસાદિહ માનવાન્

હાટકેશ્વરજં ક્ષેત્રં પુનાતિ સ્મરણાદપિ ॥
કિં પુનર્દર્શનાદ્વિપ્રાઃ સ્પર્શનાચ્ચ વિશેષતઃ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં ષષ્ઠે નાગરખણ્ડે હાટકેશ્વરક્ષેત્રમાહાત્મ્યે રક્તશૃઙ્ગસાંનિધ્યસેવનફલશ્રૈષ્ઠ્યવર્ણનંનામ ષોડશોઽ ધ્યાયઃ