Skanda Purana · Chapter 5.61

// sanatkumāra uvāca // //
adhimāsaṃ samāsādya yo'nyatra sthitimātmanaḥ //
karoti sa naro mūrkho mahākālavanādṛte

adhimāse naro vyāsa tīrthe puruṣottamābhidhe //
snātvā dattvā ca dānāni teṣāṃ lokāḥ sanātanāḥ

puruṣottamaṃ samabhyarcya ramālālitapādakam //
tathaiva ca umāṃ devīṃ śaṃkareṇa ca pūjayet

vāṃchitārthaśataṃ prāpya viṣṇuloke mahīyate //
bhādrapade site pakṣe ekādaśyāṃ samāhitaḥ //
upoṣya vidhivadvyāsa rātrau jāgaraṇaṃ caret

viṣṇośca pūjanaṃ kāryaṃ jalayātrā tathaiva ca //
puruṣottamasare nityaṃ tasya puṇyaphalaṃ śṛṇu

putradāradhanaṃ samyagāyurārogyasaṃpadaḥ //
na teṣāṃ durlabhaṃ kiṃcittriṣu lokeṣu vidyate

tasya pūrvatare bhāge jaṭeśvaramaheśvaraḥ //
tiṣṭhati tāpasastīre yatra rājā bhagīrathaḥ

tapastaptvā paraṃ lebhe puṇyaṃ puṇyavatāṃ varaḥ //
gaṃgāṃ bhūtalamānīya sarvalokasukhāya vai

tasya tīrthe naraḥ snātvā tiladhenuṃ pradāpayet //
sarvayajñaphalaṃ prāpya putravāñjā yate naraḥ

tasyeśānatare bhāge rāmo bhārgavasattamaḥ//
tapastepe sudharmātmā ātmakāyaviśuddhaye

kauśikī ca saricchreṣṭhā sarvatīrthavarapradā//
tatra snātvā naro jātihatyādoṣavivarjitaḥ

rāmeśvaraṃ samālokya dhūtapāpo bhavennaraḥ/१२//
iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṇḍe'vantīkṣetramāhātmye puruṣottameśvaramāhātmye'dhimāsasnānadānādimāhātmyavarṇanaṃnāmaikaṣaṣṭitamo'dhyāyaḥ