Skanda Purana · Chapter 5.21

// sanatkumāra uvāca // //
athānyatsaṃpravakṣyāmi devaṃ tridaśapūjitam //
hanumatkeśvaraṃnāma bhuktimuktiphalapradam

śaive sarasi yaḥ snātvā paśyeddhanumatkeśvaram //
kalpakoṭisahasrāṇi vāyuloke sa modate

// vyāsa uvāca // //
hanumatkeśvaro yastu hyuktaḥ pūrvaṃ tvayā'nagha //
kathāṃ kathaya hyetasya vṛttapūrvāṃ sanātanīm

// sanatkumāra uvāca // //
trailokyakaṇṭakaḥ pūrvaṃ rāvaṇo nāma rākṣasaḥ //
viṣṇunā rāmarūpeṇa laṃkāyāṃ vinipātitaḥ

ghātayitvā tu taṃ duṣṭaṃ sītāmādāya jānakīm //
vānaraiḥ saha ṛkṣaiśca nagarīṃ svāmupāgataḥ

tatra rājyamanuprāpya ṛṣibhiḥ parivāritaḥ //
kathāvasāne rāmeṇa hyagastyo munisattamaḥ

papraccha ca dvayorvīryaṃ śaṃbhuvātajayostadā //
tadā dāśarathiṃ prāha aga stirmunisattamaḥ

anaupamyo yathā devo yuddhe śauryaṃ? maheśvaraḥ //
jñeyo vāyusutastadvatsatyametadbravīmi te

etacchutvātha hanumānyaddhareṇo pamā mama //
kṛtā munivareṇeha pratyakṣaṃ rāghavasya ha

gamiṣye nagarīṃ laṃkāṃ liṃgamekaṃ prayācitum //
rākṣasendraṃ mahābhāgaṃ vibhīṣaṇamakalma ṣam

tato gataḥ sa laṃkāyāṃ vibhīṣaṇamuvāca ha //
dehi me tvaṃ mahābhāga liṃgamekaṃ ca śobhanam

uktaṃ ca rākṣasendreṇa gṛhāṇaitadyathā ruci //
etāni ṣaṭ ca liṃgāni rāvaṇasthāpitāni vai

trailokyavijayātpūrvaṃ mama bhrātrā mahātmanā //
eteṣu yadabhīṣṭaṃ te liṃgaṃ kathaya suvrata //
tatprayacchāmi te'dyaiva satyametatplavaṃgama

tato jagrāha hanumām̐lliṃgaṃ mauktikasaṃnibham //
yadetaddṛśyate vīra tatprayaccha mamānagha //

śrutvā hanumato vākyamathovāca vibhīṣaṇaḥ //
dattametanmahāvīra liṃgaṃ yaddhṛtavānasi

śrūyate hi purāvṛttaṃ liṃgametaddhaneśvaraḥ //
rudra bhaktyā samāyuktastrikālamapyapūjayat

rāvaṇena yadā baddhastadānīṃ hi dhaneśvaraḥ //
liṃgasyāsya prabhāvena vimuktaḥ samapadyata

prasādāttasya liṃgasya dhaneśo dhanarakṣakaḥ //
gṛhītvā tanmahāliṃgaṃ svastho jāto'tha vānaraḥ

// sanatkumāra uvāca // //
gṛhītvā tu tato liṃgaṃ prasthito vimaleṃ'bare //
saptame divase caiva saṃprāpto'vaṃtikāṃ purīm

tatra rudrasarastīre sthāpya snānamathākarot //
mahākālasya pūjārthaṃ gamanaṃ pratyaciṃtayat

uddhartukāmastalligamuddhartuṃ na śaśāka saḥ

tato vyavasthito devaḥ prāha taṃ vāyunandanam //
asminkṣetre hanūmanmāṃ tvannāmnaiva pratiṣṭhāpaya

hanumatkeśvaraṃ cātha loke khyātaṃ bhaviṣyati //
śailavacconnataṃ liṃgaṃ sthāpitaṃ vāyusūnunā

śanau paśyennaro yastu hanumatkeśvaraṃ śivam //
tasya śatrubhayaṃ nāsti saṃgrāme jayamāpnuyāt

na ca caurabhayaṃ tasya na dāridryaṃ na durgatiḥ //
tailābhiṣekaṃ yaḥ kuryāddhanumatkeśvare śive

tasya rogāḥ pralīyante grahapīḍā na jāyate //
ye drakṣyaṃti narāḥ bhaktyā teṣāṃ mokṣo bhaviṣyati

iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe'vantīkṣetramāhātmye hanumatkeśvaramāhātmyavarṇanaṃnāmai kaviṃśo'dhyāyaḥ