Skanda Purana · Chapter 5.13

// sanatkumāra uvāca // //
svargadvāre naraḥ snātvā dṛṣṭvā devaṃ ca bhairavam //
śrāddhaṃ tatraiva kurvīta pitṝnuddiśya bhaktitaḥ

pitṝṃśca sa naro vyāsa tārayedātmanā saha //
svargadvāreṇa yo'bhyeti rudrasya paramaṃ padam

bhairavasyāgrato devī pūrve tiṣṭhati cāṃbikā //
tāṃ tu dṛṣṭvā naraḥ strī vā mucyate sarvapātakaiḥ

mahānavamyāṃ puruṣaḥ kṛtvā bastamayaṃ balim //
mahiṣaṃ vā surāṃ māṃsaṃ mālāṃ bilvamayīṃ śubhām //
bhaktyā nivedya devyai tu sarvāsiddhimavāpnuyāt

tatra snātvā naro bhaktyā pūjāṃ kṛtvā maheśvare //
svargadvāreṇa so'bhyeti rudrasya bhavanaṃ dvija

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṇḍe'vantīkṣetramāhātmye svargadvāramāhātmya varṇanaṃnāma trayodaśodhyāyaḥ