સ્કંદ પુરાણ · અધ્યાય 5.13

॥ સનત્કુમાર ઉવાચ ॥ ॥
સ્વર્ગદ્વારે નરઃ સ્નાત્વા દૃષ્ટ્વા દેવં ચ ભૈરવમ્ ॥
શ્રાદ્ધં તત્રૈવ કુર્વીત પિતૄનુદ્દિશ્ય ભક્તિતઃ

પિતૄંશ્ચ સ નરો વ્યાસ તારયેદાત્મના સહ ॥
સ્વર્ગદ્વારેણ યોઽભ્યેતિ રુદ્રસ્ય પરમં પદમ્

ભૈરવસ્યાગ્રતો દેવી પૂર્વે તિષ્ઠતિ ચાંબિકા ॥
તાં તુ દૃષ્ટ્વા નરઃ સ્ત્રી વા મુચ્યતે સર્વપાતકૈઃ

મહાનવમ્યાં પુરુષઃ કૃત્વા બસ્તમયં બલિમ્ ॥
મહિષં વા સુરાં માંસં માલાં બિલ્વમયીં શુભામ્ ॥
ભક્ત્યા નિવેદ્ય દેવ્યૈ તુ સર્વાસિદ્ધિમવાપ્નુયાત્

તત્ર સ્નાત્વા નરો ભક્ત્યા પૂજાં કૃત્વા મહેશ્વરે ॥
સ્વર્ગદ્વારેણ સોઽભ્યેતિ રુદ્રસ્ય ભવનં દ્વિજ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં પઞ્ચમ આવંત્યખણ્ડેઽવન્તીક્ષેત્રમાહાત્મ્યે સ્વર્ગદ્વારમાહાત્મ્ય વર્ણનંનામ ત્રયોદશોધ્યાયઃ